“Yoshlarning 100 ta ilg‘or loyihasi” tanlovi yakunlari sarhisob qilindi
O‘zbekiston Respublikasi Investitsiyalar, sanoat va savdo vazirligi kichik va o‘rta biznes sohasida yoshlar salohiyatini yuzaga chiqarish, joylarda tadbirkorlik faoliyatini rivojlantirishni rag‘batlantirishga qaratilgan “Yoshlarning 100 ta eng ilg‘or loyihasi” tanlovi natijalarini e’lon qiladi.
Tanlovda ishtirok etish uchun fursatloyiha.uz platformasi orqali 1469 ta ariza kelib tushdi. Yoshlarning turli xil loyihalari zamonaviy IT-markazni yaratishdan tortib, bolalar o‘yinchoqlarini ishlab chiqarish korxonalarini ochishgacha bo‘lgan 36 toifa va yo‘nalishlarga bo‘lindi.
Nizomga muvofiq, “xizmat ko‘rsatish” va “ishlab chiqarish” yo‘nalishlaridagi biznes-reja loyihalari bo‘yicha hujjatlar to‘plamini to‘liq taqdim etgan 18 yoshdan 30 yoshgacha bo‘lgan O‘zbekiston Respublikasi fuqarolari tanlovda ishtirok etdi.
Birinchi bosqich doirasida tanlov komissiyasi tomonidan 1469 ta loyihadan tanlovning barcha shartlariga javob beradigan 38 ta loyiha tanlab olindi.
Bundan tashqari, tanlov shartlarini inobatga olib, g‘oliblar sonini 100 taga yetkazish to‘g‘risida qaror qabul qilindi. Buning uchun ikkinchi bosqichga o‘tgan 120 ta loyiha qo‘shimcha ekspertizadan o‘tkazildi. Natijada g‘oliblarning to‘liq ro‘yxati quyidagicha shakllantirildi (havola).
Shunday qilib, tanlovdan o’tgan har bir loyiha amalga oshishi uchun moliyaviy yordam beriladi.
Musobaqaning asosiy maqsadi amalda natijaga erishishdir. Toki, yoshlarning g‘oyalari samarali loyihalar ko‘rinishiga kelsin. Loyihalar esa, o‘z navbatida, hayotga joriy qilinib, iqtisodiy va ijtimoiy samaralarini ko‘rsatsin.
Конкурс шартлари:
- Аризалар 15.03.2022 йилгача қабул қилинади
- Қатнашувчилар: 18 дан 30 ёшгача бўлган шахслар
- Саноат ва хизмат кўрсатиш соҳасидаги лойиҳалар қабул қиланади (савдо соҳасидан ташқари)
- Ариза бериш учун қуйида келтирилган Бизнес-режа намунасидан фойдаланинг
Молиялаштириш шартлари:
- Топ 3 (1-3 ўрин олган иштирокчилар) – Қайтарилмаслик шарти билан, фоизсиз, гаровсиз таъминотисиз грант маблағлари ҳисобидан молиялаштирилади
- Топ 20 (4-20 ўринларни эгаллаган иштирокчилар) – Йиллик 0% дан 5 йилгача, 1 йил имтиёзли давр билан молиялаштирилади
- Топ 50 (21-50 ўринларни эгаллаган иштирокчилар) – йиллик 10% дан 7 йилгача, 2 йил имтиёзли давр билан молиялаштирилади
- Топ 100 (51-100 ўринларни эгаллаган иштирокчилар) – Йиллик 14% дан 5 йиллик муддатда, 1 йил имтиёзли давр билан молиялаштирилади
"Ёшларнинг 100 энг илғор лойиҳалари"
танловининг биринчи босқичи якунланди
Бир неча ой давомида олиб борилган машаққатли саъй-ҳаракалар ўз натижасини берди – Инвестициялар ва ташқи савдо вазирлиги томонидан ташкил қилинган “Ёшларнинг энг илғор 100 ғояси” танловининг биринчи босқичи доирасида барча мезонлар бўйича якуний натижалар эълон қилинди. Айни пайтда энг яхши ғояларни танлаш ва маромига етказиш, ташаббускорларни ўқитиш ҳамда бизнесни бошлаш учун яхшигина маблағ ажратишдан иборат лойиҳанинг иккинчи босқичи жараёни ҳам қизғин паллага кирди.
1 босқич саралаш натижалари!
Иккинчи босқич қизғин паллага кирди!
Лойиҳанинг иккинчи босқичига ўтган 507 та бизнес режанинг барча мезонлари кўриб чиқилади. Эксперт комиссияси томонидан шаффоф, барчага тушунарли ҳамда турли хил молиявий мезонларга асосланган баҳолаш тизими тузилган. Жумладан:
- лойиҳани амалга ошириш босқичларини олдиндан кўра билиш;
- лойиҳанинг ташқи ўзгаришларга мослашувчанлиги;
- лойиҳа мақсадларининг аниқлиги, шаффофлиги;
- натижадорлиги ва бошқалар.